Kwɑɑ̌ngee

Kwɑ̀ɑ̄ngèè/kwɑ́ɑ́ngèè.

1. Mēmmɑ̄ ò, pó mɑ̄nsóh nā wèn, à mɑ̄nzī'sī vàm zī

2. Mbī'tū mɑ́ pó nzī wèn tɑ́ á zī nā ì

3. Wèn bɑ̌nŋɑ̄' ó nkɑ̀bʉ̀ɑ́' ì, ǒ sì thī kə́' tú ì

4. Wèn shʉ̀ɑ́ ō, ò ŋɑ̄' pʉ̀ɑ̀ ī mbī'tū mɑ́

5. Ncò lɑ̀' wáá mmɑ̀'mbō

6. Kwě' wèn sǐ' mbɑ̄ nshʉ̀' à lāh mmɑ́' sʉ̄ʉ̄ bɑ̄

7. Ò bɑ̌ ntā' pù' ò tā' yò wà'

8. Lí' zhwìē wèn mɑ̀ ǎ mɑ̀mfāmnshi mɑ̀ ó yá' lǎt nshì mbī'tū mɑ́

9. Móó mbɑ̄ nkòó mɑ̄ ā, ǎ lɑ̀ zhī mɑ́ nzhǐ sàh.

10. Wèn hòō pò' zǐ ndòm lòh, ò sì ghén ntɑ́' kò

11. Lēn yǒ mbú í mɑ́ nhòò fēn sǐ' mbɑ̄ nkò' nɑ̄h bɑ̄ mbī'tū mɑ́

12. Wěn mbɑ̄ tɑ̀ nsə̄ə̄ wū lɑ́ ngwɑ̄' hù. Nɑ́ kɑ́ lɑ̄

13. Mó' pʉ̌ nnák mɑ̀ nɑ̄' pēē ntāt pēē yɑ̄ɑ̄. Tɑ́'

14. Nnàk ndɑ̀'ndɑ̀' sǐ' ndīē mɑ̄nzhì bɑ̄.

15. Wěn mɑ̄nkhʉ́ɑ́ndʉ̄ɑ̄ yə̄ə̄ njɑ̄' ndòm

16. Ò bɑ̌ nnēēsī làh ngʉ́ mōō mɑ̀ ǒ ndə̄ə̄ mʉ̀nzhwīē zʉ̄ʉ̄

17. Mōō yì pō lɑ̀ mɑ̄ ìnzī ī wāh lɑ́, pō zǐ ī zě'è mɑ̀ ǎ nkūɑ̄

18. Wèn cát pʉ̀ɑ̀ í nɑ́ zʉ̀' yì pō í ìnkú' nā lɑ́, nɑ́ kɑ́ lɑ̄

19. Nthí mǒ' vīāt wèn dīē nzhìè

20. Tā'sì lɑ̀fhʉ̌ mbí ngʉ́ngà'

21. Pō shʉ̀' sǐ' nkwāt pū' bɑ̄

22. Nshǐ mfhʉ̄ ntɑ́'ntɑ̄' tɑ̄ ndōh tʉ̄ɑ̄.

23. Nkə̀'nǐ mbɑ̄ ndʉ̄ɑ̄ pó lɑ̀ zhī ngà'mbōk

24. Nshùnshʉ̌' mbēh ndòò mbēh ngə̄ə̄

25. Nkə̀'nǐ shʉ̀ɑ̄ nkɑ̄ɑ̄

26. Lī' mɑ̄nnū ndù' mɑ̄ nnū nshì mbī'tū mɑ́

27. Péé nkwéé sīē nzàk kùɑ̀ tɑ́ pō tīā yì péé nkām

28. Mʉ̀nzhwīē fǎt nshì nnʉ́ɑ́ tʉ̄ɑ̄ mà à kɑ́ cə̄ə̄ ngwāh mbī'tū mɑ́

29. Nù sǐ' nnʉ́ɑ́ wènòk ngʉ́ kǎb thʉ̄ bɑ̄

30. Pó nzáb mênsī fɑ̄h ghê', mbī'tū mɑ́

31. Pō sǐ' nzáb wèn tɑ́ á ghē' wúɑ́ mɑ̄ ā bɑ̄

32. Pó ndéé nnʉ́ɑ́ mbí fɑ̄h

33. Mēnsǐ mvīāt yǐ mɑ́ líé' wūɑ̄. Tɑ́'

34. Mēnsǐ mbɑ̄ mɑ́ mên Sīē

35. Fə̌ phʉ́ ā mʉ̀nzhwīē, ǹ kɑ́ lǎh ndhímōō hɑ̄ ?

36. Mbɑ̀ɑ́ ntōm sǐ' mbí cǒ'sè'

37. Tɑ́' nthí mbʉ́ɑ́ pōk mōō wèn pōk ndhìmōō

38. Nǔ mbə́' kǎmnkwèn mvʉ̄ɑ̄ à mā'sī kǎm yāā, nzhwíé mɑ̀ mbǎ'ntám ì

39. Wěn mɑ̄mbōk nzhwīē ī zī nì

40. Yò wèn mɑ̌ thʉ́ shʉ̄ɑ̄ mɑ̀ ǒ nzɑ̄ yò nò' mɑ̀ yáá sēn

41. Tɑ́' wěn sì láh kòlə̌' kò nkɑ́' nā ì.

42. Pō sǐ' nshīī ngāp mɑ́ líé' ntēē bɑ̄ mbī'tū mɑ́

43. Wèn sǐ' nzhī nò' nzʉ̄ kɑ́ nhɑ̄ mvāt lɑ́ bɑ̄

44. Wèn lɑ̀' yīī ncò ndó' ngāā

45. Wèn lɑ̀' khʉ́ɑ́ mbàk ngwɑ̀' nshwī

46. Pó nzhī mbā' ndéndēē mɑ́ ntìè' ē sēē

47. Wèn lɑ̀' tāmsīē tā' cɑ́' ndǒm ì

48. Ngɑ̌ hɑ́ pīē mɑ̀ ngwāt nkō kīkēē. Tɑ́'

49. Wèn lǎk sìpè' à nū mǒ' ntū'

50. Mēmmɑ̄ ò, ò tìé mɑ̀ ǒ nkɑ̄ɑ̄

51. Ngō' sì mbǎk mbɑ̄ mɑ́ ngó' wūɑ̄

52. Wūɑ̀kɔ̌ mbɑ̄ ngwɑ̀fʉ̀ɑ̀

53. Nzhǐ mbɑ̄ mɑ́ nshʉ̀'

54. Ngèn kò ndìàndìà sǐ' mbɑ̄ ndə̄' bɑ̄

55. Wèn sǐ' nnó' mbèé nkòó nì bɑ̄

56. Ntìè' yì nǔ mbóm lɑ́ pó ndēn mɑ́ mvǎt fǎt ndòm njɑ̀ɑ̀. Tɑ́'

57. Wū lɑ̀' kwéé mbóm. Ngwá' ntōm mvǎt pōk

58. Ò khʉ̀ɑ́ mfìmfì ntɔ́ nzāt ò zhī mɑ́ ó khʉ̄ɑ̄' ní nshì. Mbī'tū mɑ́

59. Kɑ̌' sì' ndʉ̄ɑ̄ yì mvʉ́ɑ́ nkhʉ́ɑ́ lɑ́ mɑ̀ pɑ́ mbǎk lɑ̀ lō ī.

60. Lī' mɑ̄njōh móh fʉ̀ mɑ̄njōh pàh shʉ̀'

61. Ǒ mɑ̄njók nnə̀ə̀ pʉ́ɑ́ nkwéé nsə̄ə̄

62. Ò bɑ̌nzí mbɑ̀ɑ̀ pʉ́ɑ́ mɑ̀ ǒ mbīē móó vàm, mbīē yì mbō

63. Mǒ' wěn ndī' zhī' lə̀ə̀ ndhí nthī njāk. Fà'á lɑ́,

64. Nzhínǔ wèn bɑ́ ndáh ī ngʉ́ nkām

65. Wū yì ǒ tìé lɑ́ tɑ́ ó nkɑ̄ɑ̄

66. Fùfùà yì ǎ nŋɑ̄' nthʉ̄ lɑ́ sǐ' nkéé sāk nàh mfūā bɑ̄

67. Pō sǐ' mɑ̄nkhʉ́ɑ́ ncò ngwɑ̄' ngāā bɑ̄ pʉ̀mbèè

68. Mbè' wú mbɑ̄ sǐ' nshʉ̄ɑ̄ kò

69. Ndòm ndʉ̄ɑ̄ bɑ́ nhwí nù

70. Mǒ' wěn njēē ngʉ̄ɑ̄' tɑ̀ ndáh mó' nkwāt nshwī ndēn mɑ́

71. Ngǎngǎ shʉ̀ɑ̄ wūɑ̄. Yáá ndéndēē mɑ́

72. Kòlə̀' sī ntōō sǐ' mvɑ́h fùfùà bɑ̄. Mɑ́

73. Nú ndōm wèn à yēē ngwě'ngwè' nkhʉ́ɑ́

74. Wěn sì ghā' sʉ́' wèn mɑ̀ mbɑ́ á tāp sáá pè' lī ndǒk ī

75. Ò mɑ̌mbōh nàh njēē nzhʉ̀ ǒ sì dīē

76. Ò lǐ' cō nɑ́ tɑ̀' pè'è mɑ̀ yáá tāk, ò tāk tū ō tɑ̄ ncō

77. Ǒ sì sī ngǎk nshì nzɑ̄ sí mbō

78. Mɑ̄vʉ̌ mfí pō zāb mvʉ̄ɑ̄

79. Pó ndī' fhʉ̄ tɑ̄ njóh

80. Ǒ sì yóh ngū' sì zɑ̄ ncò.

81. Wěn sì pēn ntèn mbā' ntōm nzɑ̄ mɑ̀ shú'nkɑ̀'

82. Nthí mbʉ́ɑ́ sōk nkām, ò sōk fə̀

83. Nū yì ǎ nsī zʉ̌' shʉ̀' lɑ́ sǐ' mmí wū bɑ̄

84. Yáá mbhī sʉ̄sə̄ə̄ nzhīē lìì

85. Nshǔ wèn sǐ' ndám ī bɑ̄.

86. Wèn zǎb nkòò nò, ò zāb vàm zī.

87. Wèn bɑ̌ mɑ̀ wò, ò bɑ̄ mɑ̀ yʉ̄ɑ̄.

88. Njwátlɑ́ mbɑ̄ ndʉ̄ɑ̀lə̄ə̄ nshǐ nsá' lɑ̀ fát tìì

89. Wèn sǐ' ncō' ntè' mī ntō mǐ tōm bɑ̄

90. Ǹ dɑ̀ghěn yǎ mɑ̄ghɑ̀ɑ̀ yáá cō mbé' mbɑ̀ɑ̀ njə̄ə̄ shwīī

91. Pó ndī' fhʉ̄ kò tɑ́ yì só ndē' mɑ̄ncōh

92. Pō sǐ' nzáb khʉ̀ɑ̀' tɑ́ á tə̄ bɑ̄

93. Nǔ ghʉ̀ ā tɑ̀ m̀ mɑ̄ ncə̄ə̄ mɑ́ mɑ̀ kə̄ə̄

94. Nǔ ghʉ̀ ā tɑ̀ mɑ̄vǒ nā' càk nnām ā

95. Ntʉ̄ɑ̀'mbō lɑ̀' sə̄ə̄ wū

96. Ndʉ̄ɑ̄ sì cɑ̀'sì lɑ̀pìé

97. Ò zɑ̌ tɑ̀' tə́ə́thʉ̄ tɑ̀ yāā pē' ō, ò pīh mbǎ' yāā

98. Ǒ sì pēn nzɑ̄mbēhntū

99. Fɑ̀' zě'è ndīē wāhà nzɑ̄ (mɑ̀ cà'sì), lə̄' zě'è ndīē wāhà nzhʉ́ɑ́

100. Ǒ mɑ̄mbīɑ̄ɑ̄ yə̄ə̄ yāā sī tɑ̄ mbhī

101. Nǔ lɑ́' pɑ̀ wèn póómɑ̄… yáá lɑ̀ pɑ̄h ī.