Ndēn
Lēn; verbe inf.
1–Dire; cf. ngə́ə́ : parler; nsōk: raconter, rapporter, dénoncer.
2–Ndēn wèn : sermonner, admonester, réprimander quelqu'un; syn. ngə́ə́sí
Cópntíé nɑ́ làh ngə́ə́, pí làh ndēn mbɑ̀ làh nsók mɑ́ kɑ́ ?
Pó ndēn nù, mɑ̄nsōk nù, mɑ̄ngə́ə́ nù. Tɑ́', pó ndēn tɑ̀' nù mɑ̀ yāā kɑ̀' sáh, mɑ̄nsōk nù mɑ̀ yáá nɑ̄' nsáh, nkwèè yāā wǎ' mɑ̄ làh ngə́ə́ nù, nzhī ndēn mɑ́ làh ncō' nshù, ndáh nzhì wèn nnó'sí fōh ngʉ́ tɑ̀ wènmò' yū' kwà'sì zǒ.
Pō sǐ' nsōk ghə̀ə̄lɑ̄' bɑ̄, pó lɑ̀ yī mɑ̄ndēn ghə̀ə̄lɑ̄', pó ngə́ə́ ghə̀ə̄lɑ̄'. Pō sǐ' ngə́ə́ cwè' bɑ̄, pó lɑ̀ mɑ̄ ndēn cwè', pó nsōk cwè' mbī'tū mɑ́ cwě' nnēē mbɑ̄ mɑ̀ yáá sàh.
Pó ngə́ə́ nù pí wèn; làh ngə́ə́ nù pí wěn mɑ́ làh nsāhnù pí yʉ̄ɑ̄. Pó nsōk wèn nù, tɑ́', pō sǐ' nsōk nù pí wèn bɑ̄, pó lɑ̀ yī mɑ̄ ndēn nù pí wèn; pó ndēn nǔ mbí wèn.
Ǎ ndēn wen yə̄ə̄
Il réprimande trop les gens
Ǎ lén á ntēē zě'e tɑ túfhu kō ā
Il m'a tellement réprimandé au marché aujourd'hui au point que j'ai eu honte.